رئيس التحرير
عصام كامل
Advertisements
Advertisements
Advertisements

أول تسجيل صوتي للحاجة سعدية ضحية العمرة المزيفة: «أنا صحتي بتتدهور»

فيتو

«مش عارفة هرجع تانى ولالأ.. مش عارفه هشوفكم يا ولادي تانى وأرجع لبيتى ولا ممكن أموت هنا.. أنا تعبت.. كل ذنبى إني كنت عاوزة أشوف بيت ربنا وبقيت ضحية واحد معندوش ضمير ولا رحمة».. هكذا كانت كلمات الحاجة سعدية، صاحبة الـ75 عاما، ابنة قرية درين، التابعة لمحافظة الدقهلية، ضحية العمرة المزيفة، التي نصب عليها أحد معدومي الضمير ومنحها رحلة عمرة لتمرير كمية من المخدرات لداخل السعودية.


وحصلت "فيتو" على أول تسجيل صوتى للسيدة العجوز وهى تتحدث مع ابنتها "هدى" عن طريق مكالمة هاتفية، من مقر سجنها في السعودية، وهي تناشد المسئولين بإنقاذها وسرعة الإفراج عنها قائلة: "أنا نفسي أخرج من هنا بلغوا كل الناس إني مظلومة أنا كل اللى كان نفسى فيه أعمل عمرة وأزور قبر الرسول".

بدأت الحاجة سعدية الحديث مع ابنتها، مؤكدة تدهور حالتها الصحية وعدم تمكنها من الوقوف على قدميها، مشيرة إلى حُسن معاملتها من قبل المسئولين بالسعودية.

وطالب السيدة العجوز خلال المكالمة من ابنتها إرسال استغاثات للمسئولين، قائلة: "أنا مظلومة ومبقتش قادرة أتحرك وكل يوم صحتي بتدهور وعمرى ما كنت أتوقع يحصل فيا كده وأملي في ربنا كبير".
Advertisements
الجريدة الرسمية