«مرور القاهرة» تهدي مواطنًا رخصة سارية لمدة 1000 عام
تداول مستخدمو مواقع التواصل الاجتماعى صورة لرخصة سيارة صادرة عن الإدارة العامة لمرور القاهرة، تحدد ميعاد تجديدها بعد ألف عام وستة أشهر من تاريخ إصدارها، لشخص يدعى أحمد ممتاز فؤاد، من محافظة القاهرة، ويبدأ تاريخ تحرير الرخصة من 26 /5 /2016 وحتى 26 /11 / 3016
وقال صاحب الرخصة عبر صفحة منسوبة له على «فيس بوك»: «بحب مصر عشان ممكن تعمل فيها أي حاجة، كنت بجدد رخصة العربية النهاردة والموظف قالي الملف لسه ماجاش وهنديك رخصة مؤقتة، زعقت له فقالي هعملهالك بفترة كبيرة، فعملها ألف سنة وست شهور».
وانهالت التعليقات على الصورة المتداولة، وقال أحد النشطاء: «مبروك عليك يا معلم تيجى تبيع العربية وتقول فيها رخصة 1000 سنة وأنت مطمن»، وأضاف آخر: «وأنا كمان عايزك.. تيجي معايا المرور علشان تشخط شخطة يعلمها 2000 سنة».
فيما قال مستخدم آخر: «يا بختك يا عم أنت الوحيد في التاريخ اللى عملها كده»، فيما قال ناشط آخر: «يابختك يا ابن المحظوظة»، وتابع مستخدم قائلا: «هو يا بخته بعد المدة هيروح يجدد؟ بس احتمال كبير ما يقدرش يدفع المخالفات».
ولم يتسنَ لـ«فيتو» التأكد من صحة الواقعة وملابستها المتداولة عبر مواقع التواصل الاجتماعى.
