«كيرى» لـ«مرسى»: إنتى لازم امشى وتدخلى «سجن» ومعاكى مرشد وشاطر

المشهد الأول
حينما يلتقى مرسى وكيرى
أول شىء يقوله مرسى: لا تستمع لكلام المعارضة ويخبط برجليه ويبكى دول لا يحبوا ربنا.. تصدق يا «كيرى» وبعدين دول فلول والله العظيم.
«كيرى» يضع يده على خده ويستمع إلى «مرسى» فهو جاء مستمعا.
يعتقد «مرسى» أن «كيرى» لا يفهم ما يقول فيعيد مرسى الكلام ولكن هذه المرة بصوت عالٍ: "دول لا يحبوا ربنا.. تصدق يا كيرى يا حبيبى".
المشهد الثانى
مرسى يذهب ويعود ويعقد يديه خلف ظهره قائلا: "والله يا أخ «كيرى»، الإخوان مظلومون دول لو تعاشرهم تعرف قد إيه طيبين، والشعب مش فاهم ومع ذلك أنا سامحت الشعب.. أنا الرئيس قلت العفو عند المقدرة وعفوت عنهم".
ويضع يده فى وسطه ويضيف: "يا إسلام وكمان مش عاجبهم لالابقى".
المشهد الثالث
يقترب من كيرى سيبك من المعارضة والشعب.. الإخوة يعرفوا يتفاهموا معاهم.. هو أوباما رجع فى كلامه فى حكاية زيارتى له ليه؟
..طب والله سمعته بودنى دى اللى عايزة قطعها إنه بنفسه قال لى: تعالى يا فخامة الرئيس زور أمريكا.. يمكن يكون خايف من الإنقاذ والشعب والمعارضة؟!
يضع يده على كتف «كيرى» ويقول شوف يا «كيرى» يا خويا الشاطر من ثوانى قال: أوعى تزعل «كيرى» أوعى مرة واتنين وأنا يا عم مش هزعلك ولا هزعل أوباما حبيبى.. بس أنا تعبت، تعرف لو شايف حد فى الشعب ينفع يبقى رئيس وحياتك وحياة أوباما لكنت سبت الرئاسة، لكن إيه ذنب الشعب المصرى المسكين.. فهمت يا عم كيرى يا حبيبى أنا ليه راضى بالرئاسة.
المشهد الرابع
يضع يده على رأسه والله يا حاج «كيرى» أنت وأوباما من الأهل والعشيرة وعشان كده بقترح أن تنضموا للإخوان إيه رأيك يا معلم.
وكمان ينضم معاكم حبيبى النتن ياهو وبيريز وبعض الإخوة والأحبة فى إسرائيل.
المشهد الخامس
يتنهد كيرى.....
مرسى: إيه أنت زهقت منى ولا إيه أَصْلِى أنا "بعيد وَزِيد" عشان تفهم
على كده كتر خير الإخوان والشعب وأم أحمد والعيال.
كيرى يبتسم...
مرسى أخيرا شوفت أسنانك يا «شقى»
كيرى بعصبية: إنتى لازم امشى انتى لازم تكونى مع مبارك داخل طرة ومعاك مرشد وشاطر وباكى إخوان.
مرسى يصرخ: لا يا كيرى لألأ.
ويد توضع على كتف مرسى ما لك يا حاج.. ومَالُه كيرى؟
مرسى يرقص الله أنا فى البيت الحمد لله طلع كابوس.. الفجر أَذِّن يا حاجة؟
الحاجة أم أحمد: لسه يا حاج نام.. تبات نار تصبح رماد.
مرسى: أخوكى كيرى جاى النهاردة والمعارضة قالت عنى كلام زى السم والزن على الودان أَمَرُّ من السحر يا أم أحمد!!
أم أحمد : نام ياحاج .. تبات نار تصبح رماد !!