فريدة سيف النصر تكشف قصة بدلة الرقص وسر طلاقها (فيديو)
فريدة سيف النصر، قالت الفنانة فريدة سيف النصر: "لما اتعرض فيلم 4-2-4 وظهرت ببدلة الرقص المثيرة اللي مليش يد فيها لإني كنت وقتها عيلة، جابولي بدلة فلبستها وإحنا كده كده بنلبس مايوه على البحر".
فريدة سيف النصر تكشف قصة بدلة الرقص التي تسببت في زواجها
وأضافت فريدة سيف النصر خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "لما بابا شافني ببدلة الرقص في فيلم 4-2-4 كنت أول مرة في حياتي أتهان وقال لي هتتجوزي وهددني فقلت أتجوز الراجل اللي هو اخترهولك واتجوزته".
فريدة سيف النصر تكشف سبب طلاقها
وعن سبب طلاقها، أوضحت فريدة سيف النصر: "عمري في حياتي ما خونت حد لحد اللحظة دي ومبصدقش أي حد عملت معاه حاجة كويسة إنه يخونني لإن الأمين مبيخونش، لكن كان ليا صاحبتي وظروفها صعبة جدا كنت أسيبلها البيت والعيال وتقعد تاكل وتشرب وكمان هي مش حلوة وقردة بس دماغ واكتشفت إنها خانتني مع جوزي واتجوزته".
رد فعل فريدة سيف النصر بعد تعرضها للخيانة
ولفتت الفنانة فريدة سيف النصر: "صعب أوي إن صاحبتي تخونني، ولما واجهتها معملتهاش أي حاجة، وبعد لما اتجوزت طليقي كنت بجيبلها هداية كمان هي وعيالها، ومفكرتش أتجوز بعد كده وجالي عروض جواز كتير لإني كنت جميلة جدا".
فريدة سيف النصر تكشف سر عدم زواجها بعد الطلاق
وأكدت: "كان همي كله محمد ابني وأنا اتعقدت جدا من الرجالة بعد خيانة جوزي ليا وقررت إني مش هاتجوز تاني بعد طلاقي".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
